ಕರು ಜನಿಸಿದಸಿದ್ದಕೆ 25 ಸಾವಿರ ಮಂದಿಗೆ ಔತಣಕೂಟ ! ಹೀಗೂ ಉಂಟೆ

0
160

ಅಮೇಥಿ: ನಂಬಿದರೆ ನಂಬಿ, ಬಿಟ್ಟರೆ ಬಿಡಿ.. ಉತ್ತರ ಪ್ರದೇಶದಲ್ಲಿನ ಗ್ರಾಮವೊಂದರಲ್ಲಿ ಕರು ಜನಿಸಿದ ಬಗ್ಗೆ ಆಯೋಜಿಸಲಾಗಿರುವ ಸಂಭ್ರಮಾಚರಣೆಗೆ 25,000 ಮಂದಿ ಅತಿಥಿಗಳಿಗೆ ಆಹ್ವಾನ ನೀಡಲಾಗಿದೆ.

ಅಲ್ಲದೆ ಕಾರ್ಯಕ್ರಮಕ್ಕೆ ಜನರನ್ನು ಆಹ್ವಾನಿಸಲೆಂದೇ 10,000 ಆಮಂತ್ರಣ ಮುದ್ರಿಸಲಾಗಿದೆ. ಅಮೇಥಿಯಲ್ಲಿ ಗೋವುಗಳ ಮಹತ್ವ ಮತ್ತು ಗೋವುಗಳನ್ನು ಉಳಿಸಿ ಎಂದು ಜನಜಾಗೃತಿ ಮೂಡಿಸಲು ರೈತ ವಿನೋದ್ ಕುಮಾರ್ ಈ ರೀತಿಯ ವಿಶಿಷ್ಟ ಕಾರ್ಯಕ್ರಮಕ್ಕೆ ಮುಂದಾಗಿದ್ದಾರೆ.

 

ಅಮೇಥಿಯ ಗೌರಿಗಂಜ್‌ನ ಚಾಂಡಿಪುರ್ ಗ್ರಾಮದ ರೈತ ವಿನೋದ್ ಬಳಿ ಎರಡು ಹಸುಗಳಿವೆ. ಆ ಪೈಕಿ ಒಂದು ಹಸು ಜ. 16ರಂದು ಕರು ಹಾಕಿದೆ. ದನ ಕರು ಹಾಕಿದ್ದನ್ನು ಮನೆಮಂದಿ, ಮನೆಯಲ್ಲಿ ಮಗುವಿನ ಜನನವಾಗಿದೆಯೆಂಬಂತೆ ಸಂಭ್ರಮಿಸಿದ್ದಾರೆ. ಜತೆಗೆ ಗ್ರಾಮಸ್ಥರೆಲ್ಲರನ್ನು ಆಹ್ವಾನಿಸಿ, ಕರುವಿನ ಆಗಮನವನ್ನು ಭರ್ಜರಿ ಕಾರ್ಯಕ್ರಮ ಆಯೋಜಿಸುವ ಮೂಲಕ ನಡೆಸಲು ನಿರ್ಧರಿಸಿದ್ದಾರೆ.

ಗ್ರಾಮದ ಹಲವೆಡೆ ಕಟೌಟ್, ಫ್ಲೆಕ್ಸ್ ಹಾಕಿ ಜನರನ್ನು ಆಹ್ವಾನಿಸಲಾಗಿದೆ. ಅಲ್ಲದೆ ಗುರುವಾರ ರಾತ್ರಿ 25,000 ಮಂದಿಗೆ ಊಟ, ರಾತ್ರಿ ಪೂರ್ತಿ ನಾಟಕ, ಸಂಗೀತ, ಮನೋರಂಜನೆ ಕಾರ್ಯಕ್ರಮವನ್ನೂ ಏರ್ಪಡಿಸಲಾಗಿದೆ.

ಜನರು ದನದ ಹಾಲು ಕುಡಿಯುತ್ತಾರೆ, ಹಾಲು ಮಾರಾಟ ಮಾಡುತ್ತಾರೆ. ಆದರೆ ಕರುವಿನ ಬಗ್ಗೆ ಕಾಳಜಿ ವಹಿಸುವುದಿಲ್ಲ. ದನವೆನ್ನುವುದು ನಮಗೆ ಹೊರೆಯಲ್ಲ, ಅದು ನಮ್ಮ ಜವಾಬ್ದಾರಿ. ನಮ್ಮ ಮನೆಯಲ್ಲಿ ಮಗುವಿನ ಜನನವಾದರೆ ಅದನ್ನು ನಾವು ಸಂಭ್ರಮಿಸುತ್ತೇವೆ, ಅದೇ ರೀತಿಯಲ್ಲಿ ದೇವರ ಸಮಾನ ಗೋವಿಗೆ ಕರು ಜನಿಸಿದರೆ, ಅದನ್ನೇಕೆ ಸಂಭ್ರಮಿಸಬಾರದು ಎನ್ನುವ ಮೂಲಕ ಜನರಿಗೂ ಗೋವಿನ ಮಹತ್ವ ತಿಳಿಯಪಡಿಸುವುದು ನಮ್ಮ ಉದ್ದೇಶ ಎಂದಿದ್ದಾರೆ ರೈತ ವಿನೋದ್ ಕುಮಾರ್.

LEAVE A REPLY

Please enter your comment!
Please enter your name here